|
"MAA"
jis main simte saara jahan
chota sa woh eik lafz hai MAA
is rishte se seb hain waaqif
per koi na samjhe kya hai MAA
jis ne tum ko janem diya
us hasti ka naam hai MAA
seene se laga ke paala kisne
jis ne paala woh hai MAA
pyar-o-mohabbet kare her dem
chahet ka eik khazana hai MAA
jaan bhi nichawer karde jo
qurbaniyon ka woh samender hai MAA
qadmon taley hai janet us ke
itni azeem hoti hai MAA
us ki azmet un se poocho
jin ke paas nahin hai MAA
aaj tum jo kuch bhi ho
hai us ke peeche tumhari MAA
badel nahin us ka duniya bher main
eik aisa lazawaal rishta hai MAA
sada rahe salaamet sayaa us ka
eik meethi thendi chaon hai MAA
|