yun hi ek roz..........

yun hi ek roz main sab chhod ke ud jaoonga
     yeh saare dost, saare ghair, saari duniya ko
yun hi ek roz yahin chhod ke ud jaaoonga
     mere apne mere sapne yeh khwaahishen meri
yun hi ek roz main sab chhod chalaa jaoonga...

yeh zindagi jo mere saath hai jaane kabse
    na jaane aur kitne lamhe, jaane kitne din
yeh saath mera nibhaati rahegi aise hi
    kisi ki marzi se yeh saath hai mere ab tak
usi ki marzi se ek roz chali jaayegi
    main isko chhod doonga, yeh bhi mujhko chhodegi
yun hi ek roz main sab chhod ke ud jaoonga...

phir jo ud jaaoonga to laut ke na aaoonga
    phir kisi duniya mein main ghar koi banaoonga
us kisi duniya mein main zindagi sajaoonga
    woh zindagi ki jiski koi inteha hi nahin
main usi zindagi ke saath ghar basaoonga
    yun hi ek roz main sab chhod ke ud jaoonga...